المهندسة وداد مصدق
عضو فعال
عدد المساهمات : 322
تاريخ التسجيل : 07/12/2010
 | موضوع: نكت مغربية 2011  الإثنين يناير 17, 2011 9:31 am | |
|
هدا واحد الراجل كيسعى مشى لواحد العمارة عالية
وهو يصوني على الطبقة الاخيرة وجاوبو مول المحل
قالو شنو بغيتي قالو هباط عندي بغيت نقولك شي حاجة ضروري
قالو قولها دابة قالو نزل عندي ونقولها ليك فاش نزل عندو
قالو شي صدقة ومول المحل قالو طلاع معايا نعطيهالك
وطلعو فالدروج وهو حل الباب وقالو الله يسهل
///////////
واحد الولد سول باه: كيفاش نعرف واش الواحد سكران؟
قال ليه باه: السكران أولدي غادي يقول ليه راه هادوك ربعة د الشجرات ماشي جوج
منين تلفت الولد فين شير باه وهي تبان ليه غير شجرة وحدة.
////////////////
هادو تلاتة مبوقين ركبوا طاكسي. مول الطاكسي عاق بيهم
واش ما حاضرينش، ناض شعل الموطور و طفاه و قال ليهم صافي وصلنا.
اللول عطاه الفلوس
التاني قال له شكرا
التالت نزل من الطاكسي و دار لعند مول الطاكسي و سرفقه.
مول الطاكسي يسحاب ليه واش السيد عاق بالقالب دياله،
ساعة هو يقول ليه: المرة الجاية ما تسوقش بالزربة بزاف.
/////////
هادا واحد دري طلب باه (سقرااام) :بابا عافاك عطيني 100 درهم نعيق بها على الدراري أون ردها ليك .
قال ليه : ان عطيها ليك و لكن و الله أوتخسر منها الريل تان تفاهم معاك.
الدري مشا خسرها كااملة خلى غير درهم.
مشا عند باه قال ليه راه بقات ليا غير درهم.
أو هو يقول ليه مزيان أولدي سير شري gouma قال ليه الولد :علاش أبابا
او هو يقوليه : باش نمسح موك من الحالة المدنية!
/////////
هادو جوج جيران حوليين
واحد فيهم بغا يسبغ دارو أو هو يسبغ دار جارو
خرج جارو أو هو يقول ليه بصحة الصباغة!!
////
هادو جوج توام كيقراو فل الباك اتفقوا باش الى سقطو ينتاحرو
ساعة واحد نجح أو لاخور سقط !داك لي نجح تضامن مع خوه أو مشا معاه باش ينتاحرو
تلاحو من فوق واحد العمارة
داك لي نجح مات أو داك لي سقط بقى حي
أو هو يعاود يتلاح
أو هاكداك ما ماتش!!
أو هو يخرج ليه عزرائيل أو قال ليه سمح لينا أ خويا راه ما كان قبلوش لي ما عندهومش الباك!
/////
هادا واحد خونا كي طلع فوق trotoir أو كي نقز
شافو واحد الراجل أو هو يقول ليه أش كات دير أولدي
قال ليه بغيت ننتحر
جاوبو:الى بغيتي تنتحر طلع فوق ديك العمارة أو تلاح
أو هو يقول ليه مالك بغيتني نموت!!
/////////
| |
|
